Fellout a ra dezhañ chom e Breizh met, siwazh deomp, dav e vo dezhañ distreiñ d’e vro, hag ar buanañ ar gwellañ ! Hag eñ ur chañs evit Breizh…
19 vloaz. Aljerian. Dibaper. D’ar 25 a viz ebrel n’en doa ket laeret kalz traoù en ur vila didud eus Ar Baol : manegoù hag un tog jardrinour, tra ken.
Ar pezh zo, ret e oa dezhañ chom e Naoned (asinet er gêr gant ar justis) hag un OQTF en doa evit aferioù kozh (a-boan dibrizonet e oa bet d’an 13 a viz genver). Kannab ha pregabaline, louzoù implijet evel drogach, a oa gantañ pa voe serret gant polis Ar Baol, mui ur gountell. Hervez an enklaskour en defe gourdrouzet un den e Sant-Nazer d’an 11 a viz ebrel gantañ.
D’e brosez e lavaras mil digarez. En aner, kondaonet eo bet da 10 mizvezh toull-bac’h ha da vezañ skarzhet eus Bro-C’hall goude-se.
Ha skarzhet e vo a-benn ar fin ? Amañ emañ an dalc’h… Forzh penaos e c’hello distreiñ a-benn 10 vloaz ma n’eo ket degaset en-dro gant un Ocean Viking bennak a-raok !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
