Arabat kontañ e vuhez pa vez prenet ur c’harr-tan rañkontr !
Miz gouere 2023 : Un artizan eus Mouster a brenas ur c’harr-tan, ur Mustang, digant un den. 15 000€ paeet dak. Hag eñ da lavar d’ar paotr en deus gounezet an arc’hant-mañ gant al « labour du ».
Setu sachet evezh ar gwerzher anat.
Un nebeut devezhioù war-lerc’h, gant an deiz o c’houlaouiñ, emañ an artizan o kemer penn an hent da vont da labourat. E Mouster, daou zen e-barzh ur c’harr-tan a stank samorell an artizan. Mouchet int. Lakaat a reont ur bistolenn war e benn ha bountañ a reont anezhañ en o c’harr-tan. C’hoant o deus « komz gantañ ». Un tamm pelloc’h e vo laeret 500€ digantañ ha gourdrouz da heul. « Mut war se, mod all…. »
Ne felle ket d’an artizan sevel klemm ken aon en doa met un den a welas pep tra hag e pellgomzas diouzhtu d’an archerien.
Aterset ganto e kontas an artizan tout an istor. Pa voe serret an daou ganfard e komprenas an archerien e oa pratikoù anavezet mat ganto ha gant ar justis. Daou zen eus Sant-Nazer eo, kondaonet meur a wech, dreist-holl unan anezho. Gwelout a reer o c’harr-tan war ur video evezh, ne oa ket o fellgomzerioù war enaou pa voe laeret an artizan, a-benn ar fin e vo kondaonet an daou abostol gant lez-varn Sant-Nazer d’ar c’hentañ a viz c’hwevrer da 3 ha 2 vloavezh toullbac’h. Savet o deus klemm.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
