Evel dalc’hmat e tistroio d’ar prizon. Un Aljerian a 57 vloaz, dindan OQTF, fichennet S, un ugent bennak a vennegoù war e roll lez-varn hag a zo bet bac’het e-pad an hanterad eus e vuhez, a oa o terriñ harzoù e kartchier Ponta e Brest d’an 12 a viz mae. Evel just e voe gwelet e c’hoari gant ar polis hag a c’houlennas gantañ chom a sav. En aner. Ret eo lavaret n’en doa ket aotre-bleniañ ha ne oa ket dezhañ ar c’harr-tan.
Hag eñ da blantañ tizh ! War an hent e klaskas e varv ken buan ez ae, o slalomiñ da 150 km/e war an RN12. A-benn ar fin e voe tennet warnañ gant ur poliser ken dañjerus e oa evit ar re all.
A-benn fin e hent e leuskas ar c’harr-tan hanter zrailhet tro dor Gouesnou war bord an hent-tizh. Karr-tan mignonez an Aljerian e oa neuze e voe aes d’ar boliserien kavet penn al labous.
Hervezañ en doa c’hoant da « vont d’ar CCAS » pa « welas ar boliserien » e Ponta. Pezh a lakaas anezhañ « da vont e gouez » ha pemp ha pevar.
Er ger e kavas ar boliserien armoù a-bep seurt, a seurt a vez implijet gant ar gwir forbaned, atav.
Prezantet da lez-varn Brest d’ar 15 a viz gouere e voe kondaonet da dri bloavezh toull-bac’h, unan anezho gant goursez.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
