E Penn-ar-Bed ne oa ket 2025 bloavezh an erc’h du evit ar felliezh. Ur gwall-vloavezh, ur bloavezh du, ne lavaran ket.
D’ar merc’her 4 a viz c’hwevrer e voe prezantet sifroù ar felliezh e 2025 e Penn-ar-Bed gant ar prefed hag e oa fas koad gantañ. Da gentañ holl e lakaas ar gaoz war ar gwallzavoudoù war an hent. 57 den a zo marvet war hentoù an departamant e 2025, ar sifr fallañ abaoe 2007. Blenerien dindan dramm, dindan boeson pe az ae re vuan a zo kaoz eus kement-mañ. Ha c’hoazh ! Evit poent n’eus ket kalz a wallzarvoudoù abalamour d’ar protoxid azot e Penn-ar-bed, da c’hras Doue !
Met e Penn-ar-Bed eo frouezhus marc’had an drammoù all : +13% a dud serret evit bezañ kemeret perzh en trafikañ dramm e 2025. +47% a gastizoù trezizadek evit ar re a gemer dramm ! Hag evel just zo bet sezisaet kiloioù a drammoù, armoù hag arc’hant gounezet diwar an trafikañ dramm gant ar boliserien hag an archerien.
Hag ankeniet eo ar prefed gant ar pezh a c’hoarvezh e Brest hag e Bro-Vrest : +30% a aferioù e liamm gant an dramm a zo bet en takad polis eus Brest e 2025, ar pezh a zo nec’hus-tre !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
2 réponses à “Felliezh : ur gwall vloavezh e Penn-ar-Bed hervez ar prefed”
Kentañ tra zo d’ober eo klask abalamour da betra e kresk an dizurzhioù er gevredigezh.
Hag ar respont pennañ eo diskar ar relijion gristen bet divizet gant pennoù Bro C’hall ar frañmasoned.
Keit ha ma ne vo ket sklaer an dra se evit an holl ne vo cheñchamant ebet.
Ha ret eo diskouez penaos e vez lorbet an engroez ganto : en anv ar frankiz n’eus ket mui eus an Droug pa vez aotreet gant al lezenn (diforzhañ bugale, eutanaziezh, enbroerezh arloupet, …). En anv an Ingalded n’eus diforc’h ebet etre paotred ha merc’hed, en av ar Vreudeuriezh (met lazhet ganto o Zad) eo ret d’an holl soñjal evel ar Stad…
Tad n’on ket a-du ganeoc’h! da’m meno re strizh eo ho kweled rak an torfedourienn-se n’int ket kristen!!! Poent cheñch mod gouarnamant hag echu gant ar ripiblik.