E La Chapelle-Erbrée e bro Gwitreg ez eus bet kavet ur c’horf hanter zevet d’an 23 a viz eost. E-kichen ul lenn e oa. 46 vloaz e oa an den hag o chom e Arganted ar Genkiz (Argentré du Plessis e galleg). Buan-tre e voe komprenet gant an archerien piv a oa an den-se : e bellgomzer a oa en e gichen ha ne oa ket devet tout ha tatouajoù a c’helled gwelet war e gorf c’hoazh.
Buan-tre e voe serret daou zen gant an archerien. Diskred warno bezañ ar vuntrerien. Unan anezho a zo ur paotr en e 37 vloaz hag an eil a zo un den kozh en e 70 vloaz. Emaint dindan evezh. Hervez an archerien e vefe bet skoet gant an den gant ur morzhol.
D’ar sul e oa an archerien o furchal tro-dro da iliz Arganted. Gwad a oa war ar blasenn. Ha lazhet e vefe bet an den e kreiz-kêr a-raok bezañ devet e gorf war ar maez ?
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
