Etre miz gwengolo 2023 ha miz genver 2024 e voe ur gwir festival evit ur paotr yaouank eus Gwitreg (Vitré) ! Kregiñ a reas an afer d’an noz etre an 28 hag an 29 a viz gwengolo : tri mignon a oa en o treiñ an alc’hwezh evit mont-tre en o ranndi pa tegouezhas daou zen. Ganto ur machette, ur bistolenn hag ur gontell. Klask a reont dramm, “kokain”.
Emaint o vont da furchal e pep lec’h. Betek divontiñ an dommerez ! Ezhomm o deus eus dramm !
E-keit-se e vo skoet gant an tri mignon. Gourdrouzet, laeret, unan eus an daou laer a c’hourdrouz anezho d’o c’has da goad Brekilien “e koufr ar c’harr-tan” ma voent staget “ouzh ur wezenn”.
A-benn ar fin emañ archerien Gwitreg o vont da soñjal en un den a anavezont mat. Kondaonet div wech dija : aferioù dramm, laeroñsioù, … klask a zo warnañ rak un den dañjerus eo an Albanad-mañ, gwir penn-dramm anezhañ !
Etretant en doa laeret ur c’harr-tan digant ur plac’h. Chom a reas kuzhet e-barzh an oto e-pad ur mare.
Serret eo bet a-benn ar fin. Ha kaset dirak al lez-varn ma oa barnet d’an 2 a viz ebrel. E-unan emañ, rak e gomper a zo bet barnet dija.
Kondaonet eo bet da bevar bloavezh toull-bac’h mui 10 vloaz pell eus Bro-Frañs. Hag e vo skarzhet evit gwir a-benn pevar bloaz ? Se zo un afer all…
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
Une réponse à “Gwitreg : Klask a rae dramm, skarzhet e vo an Albanad eus Bro-Frañs”
Kaset d’e vro orin ? Netra ken sur !