Etre ar c’hentañ a viz genver 2015 hag an 31 a viz gouere 2025 ez eus bet aotreet 7326 aotre sevel e « Breizh » 4 departamant evit sevel eil-tiez. Da lavaret eo ma vefe lakaet re al Liger-Atlantel e-barzh e vefe uheloc’h ar sifr. Forzh penaos emañ Breizh e penn ar rannvroioù melestradurel evit a sell ouzh aotreoù sevel an eil-tiez. Hag en eil plas emañ… Broioù al Liger !
N’hall ket ar vaered ober kalz traoù evit enebiñ ouzh an eil-tiez. Dav eo dezho plegañ d’al lezenn hag al lezennoù a vez votet gant tud ha n’o dez ket ar gudenn-se da zirouestlañ en o fastell-bro. Perak e c’hell votiñ ur c’hannad eus ar Marne pe eus ar Seine Saint-Denis war efed drastus an dreist-douristelezh da skouer ? Lavarit din, me ho ped !
War un dro n’eus ket nemet 6% eus an tiez nevez savet a zo eil-tiez anezho. Ya met gant piv e vez savet tiez nevez e Breizh ? Gant Bretoned a ouenn vat pe gant Gallaoued oc’h en em staliañ e Breizh peogwir eo brav ar vro hag izel ar feur dilabour ?
Poent eo d’ar vretoned bezañ mestr war o bro. A-hend e vimp aloubet dre an diaz (an embroidi o tont eus pell), ha dre an uhel (ar C’hallaoued, ar Barizianed). Ha gant an hin o tommañ e vo gwasoc’h-gwasañ ‘m eus aon.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
