E Pluvaodan emañ an ti-kêr o sevel ul lotisamant nevez ennañ 30 ti. N’emañ ket pell ar gumun eus Dinan, Sant-Malou, alese ez eus kalz a diez-hañv er vro-mañ. Al lodenn gentañ eus al lotisamant a zo bet gwerzhet. Ur mor a daolioù-pellgomz en doa bet an ti-kêr p’en doa lakaet an tachennoù war ar marc’had. Pezh zo, ne felle ket d’ar vaerez, Laurence Gallée, e vefe gwerzhet an tiez d’an douristed ! En Hameau de l’Epine ne vo eil-tiez ebet hervezi ! Ha, war se, eo bet gwerzhet an tachennoù da dud ar vro nemetken !
Rak strizh eo ar reolennaoueg savet gant an ti-kêr evit gellet prenañ un dachenn : kriterioù a zo bet termenet evit an nep a fell dezhañ lakaat e anv. Dav eo kaout ur raktres evit ar vro da skouer. Hag ouzhpenn-se eo ar re a zo o chom er gumun dija hag a zo bet dibabet da gentañ. Da heul, ar re a zo eus Bro Dinan. Ha klask a ra an ti-kêr kaout familhoù yaouank evit ma vefe bugale er bourk !
Setu ur skouer da heuliañ e Breizh a-bezh !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
