Ha ma vefemp o c’hounit « brezel ar gerioù » ?

Bep un tammig emañ an « naratif » kleizour o kouezhañ en e boull. Evel ma vefe re bounner. Peogwir eo bet savet war gevier, war treizh. Chom a ra war e sav atav peogwir ez eus c’hoazh tud hag a goñsant da lavar faribolennoù ha ne vez kredet gant den ebet ken. Da skouer, ma teu ur paotr bennak, fas ar paotr dezhañ, skeud ar barv war e vizaj en ur sal hag e lavar « Me zo ur vaouez », an holl dud er sal, memes ar re c’haochistañ, a soñjo « oh nann avat, n’out ket ur plac’h, anat eo ». Met koñsantet e vo ganto da lavar ar c’hontrol dirak ar re all. Abalamour d’ar pouezh sokial. Abalamour d’ar sponterezh spered a zo o ren er metoù gaochist.

Ur relijion hep Doue eo ar gaochism. Dav eo krediñ. Hag adlavar ar pedennoù hep cheñch ger ebet enno.

Hogen, ez eus muic’h-muiañ a abostadion o kuitaat relijion ar wokism. Hag ar re-se a implij hor gerioù bremañ, gerioù ar skiant-vat. « Déni » (e galleg) da skouer a zo ur ger eus kamp an dud a skiant-vat.

Ha sebezet on bet o welet ar ger-se en un titl eus ar gazetenn « Le Mensuel de Rennes » ar mintin-mañ. Ur gazetenn eus an tu-kleiz eo « Le Mensuel », filierenn eus ar strollad Télégramme. Met n’hall ket mui ar c’hazetennoù a-seurt-se livañ ar wirionnez, dreist-holl e Roazhon. Hag evit lavar an traoù evel m’emaint e implij Le Mensuel ur ger « aroueriek » aze : « Le déni ». Ur ral eo.

N’eo ket kalz traoù, gwir eo, met diskouezh a ra splann emaomp o c’hounit brezel ar gerioù.

Illustration : Kopienn skramm X Le Mensuel de Rennes
[cc] Article relu et corrigé (orthographe, syntaxe) par ChatGPT.

Breizh-info.com, 2025, dépêches libres de copie et de diffusion sous réserve de mention et de lien vers la source d’origine