E norzh Bro-Gerne emañ Sant-Segal, nepell eus Kastellin. D’ar c’hentañ a viz gouere zo bet digoret un davarn nevez (e plas « Le Rapide ») gant un anv brezhonek : an Amzer Zo an hini eo. Dija ne oa ket fall met fellout a ra d’an davarnourion mont pelloc’h evit hor yezh. Ha setu perak eo bet sinet gant ar garta « Ya d’ar Brezhoneg » d’an 19 a viz kerzu. Talwyn Baudu an hini eo a zo deuet da sinañ an emglev e anv an Ofis.
Eric Le Lan ha Céline Pinelli eo ar c’houblad en deus adprenet an davarn. Hag abaoe ar penn kentañ emañ ar brezhoneg ha sevenedur Breizh e kreiz o raktres. Gante e vez aozet sesionoù muzik Breizh, sonadegoù, fest-deizioù, abadennoù c’hoariva, endervezhiadoù c’hoarioù stroll hag all. Ha bez ez eus gerioù e brezhoneg war an holl skritelloù a skignont war ar rouedadoù sokial. Un dra naturel e oa evite da lakaat o sinoù war ar garta kar ur brezhoneger anavezet mat eo Eric Le Lan eus Brest (gouzout a ra brezhoneg e wreg ivez). Paotr an tu-kleiz pellañ siwazh, Gant ma ne vo ket re wok an « Amzer zo », domaj vefe rak simpatik-tre eo al lec’h ha mat ar bier ennañ !
Crédit photo : DR
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2025, dépêches libres de copie et de diffusion sous réserve de mention obligatoire et de lien do follow vers la source d’origine.
Une réponse à “Sant-Segal : sinet eo bet ar garta « Ya d’ar Brezhoneg » gant un davarn !”
Siwazh tout n’eo ket bet skrivet e brezhoneg…ostaleri, butun, bodadeg, bara mod kozh, krignadur, ha meur a traoù all!