Ar vag a c’halvidigezh skiantel Tara a zo o verdeiñ er-maez ar Papouazi-Ginea-Nevez er mare-mañ. Diouzh ar chadenn e oa d’an 20 a viz eost nepell eus an aod hag eus Wewak, ur porzh. Trankil e oa an traoù mes diouzh noz e tegouezhas un dek bennak a bapoued, armoù gante, war ur vag. Ha ne oant ket deuet evit pakañ ur banne. Pevar anezhe a bignas war Tara. Er bourk, ar paourkaezh skiantourien, un tamm bizounours anezhe, a zo bet laeret gant ar pevar fapou. E-keit-se e oa ofisour ar c’hard kouchet gant o mignoned.
En ur ober 5 minutenn e voe pilhet, diskroc’hennet martoloded ha skianterien Tara. Betak an urzhiataerioù a yeas gant ar bapoued, an ostilhoù skiantel, an traoù prizius, tout an traoù ! En holl zo bet laeret talvoudegezh 25 000€.
Paourkaezh papoued, hag int gwasket gant ar re wenn hervez koñchennoù born ar gleizourien !
Ne vern, kenderc’hel a ra Tara gant e hent kar n’eo ket bet gloazet den ebet ha se an hini eo a gont a-benn ar fin.
Urzhiaturioù hag ostilhoù skiantel nevez a vo kaset d’ar skipailh ar buanañ ar gwellañ. Dav eo da baotred ha merc’hed Tara mont betek an inizi Palao bremañ ha bezañ eno a-benn ar 27 a viz eost.
Ur bodad harpañ psikologel a zo bet savet. Ar wech kentañ e c’hoarvez seurt avañtur evit Tara.
Foto : Daniel Henriquez (Wikipedia)
[Penaos lâr’ « Réel » er ster anavezet mat er gevredigezh a-vremañ ? Kasit din ar pezh a bropozit evit treiñ ar ger-mañ mar plij.]
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
