Anv Mediabask, ar gazetenn en-linenn euskarad eus Ipparalde, a oa bet dibabet diwar an anv Mediapart ha n’eo ket ur ral e vefe graet menneg eus Edwy Plenel war Mediabask. Evit Euskariz eo pimpatrom an islamo-gaochism ur « referañs ». Ur gazetenn awenet gant tiermondism ar bloavezhioù 60-70 eo Mediabask, evel an emsav abertzale (broadelour euskarad) eus an tu-kleiz. Edwy Plenel a beur war ar memes tachenn : ganet e Naoned, hemañ en deus bevet da c’houde er Martinik (ma oa bez-rektor e dad !) ma voe feuket gant an « trevadennerezh » a oa o ren eno.
Aet eo kuit eus Martinek pa oa 10 vloaz, e 1962 ! C’hwezh ar c’hozh gantañ en deus tout-se bremañ ha cheñchet o deus an traoù e Martinik. Met ne vern.
Abaoe, e wel ar vuhez a-vremañ dre e eñvorennoù bugaleaj : ar vuzulmaned a zo o paotaat e Bro-C’hall a zo « trevadennet », evel Euskariz…
Mediabask hag ar gazetenn en euskareg Naiz a zo o paouez embann o deus skoulmet emglev gant Mediapart. Un « emglev bleinskrid » an hini eo ha n’eo ket unan teknikel nemetken. Pennadoù ha reportajoù a vo eskemmet etre an div gazetenn.
Hag ar reportaj kentañ a vo embannet asambles a ro ur skouer eus ton an emglev-mañ : afer Loïck Le Priol, an den trelatet « eus an tu-kleiz pellañ » en defe tennet war ar rugbyman Federico Martín Aramburú e Paris ha lazhet anezhañ, an hini eo. D’ar 7 a viz gwengolo e krogo ar prosez.
E Bro-Euskadi an norzh e kresk a votadeg da votadeg niver mouezhioù an RN, n’eo ket gant seurt emglev « antifa » e vo cheñchet penn d’ar vazh ‘m eus aon.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
