Embannet eo bet d’al lun 23/03 an danvez-lezenn war an eil referendom war an dizalc’hiezh gant ar gouarnamant emren eus Bro-Skos. Hag evel e 2014 e vo goulennet gant skosiz « hag e tle Bro-Skos bezañ ur vro dizalc’h pe get ? » D’ar 6 a viz mae e vo ar votadegoù kannad e Bro-Skos, neuze eo gant ar muianiver nevez e vo embann deiz ar referendom. Emañ an SNP e spi da vezañ trec’h ha da gaout ur muaniver frank evit kas e raktres da benn.
E-barzh an danvez-lezenn ez eus anv da reiñ ar gwir da votiñ d’ar re yaouank tapet o 16 vloaz gante ha d’an estrañjourion a c’hell votiñ evit ar votadegoù kêr dija.
Evit poent e nac’h Boris Johnson reiñ e aotre d’ar referendom-mañ. Marc’hataet e oa bet an hini kentañ etre Alex Salmond ha David Cameron ha 55,3% a skosiz ha votas evit an « No » a-benn ar fin. 7 vloaz war-lerc’h n’eo ket memes kont avat, goude ar Brexit e fell kentoc’h da skosiz bezañ dizalc’h ha distreiñ e-barzh ar Gumuniezh Europa. Ha gouzout a ra kement-mañ louarn fin an 10 Downing Street…
Crédit photo : DR
[cc] Breizh-info.com, 2020, dépêches libres de copie et de diffusion sous réserve de mention et de lien vers la source d’origine
