Klask a ra an aerborzhioù eus gwalarn Bro-Skos kas war-raok implij ar gouezeleg en o savadurioù ha kirri-nij.
Evit hen ober e vez lakaet e pleustr ur program kizidikaat evit ar c’hoskor. E aerborzh Inverness da skouer ez eus bet roet kentelioù yezh hag istor ar yezh da izili ar c’huzul-merañ gant an embregerezh a zo perc’henn war an aerborzh : Hial. Prederiet o deus ivez war al liammoù etre ar gouezeleg ha strategiezh an embregerezh. E memes aerborzh e vez roet kentelioù yezh d’an implijidi o deus darempredoù gant ar pratikoù ivez kement ha broudañ implij ar yezh er c’hirri-nij. En Highland hag e inizi Gwalarn Bro-Skos (an Hebridez) e vez kavet ar muiañ a c’houezelegerien. Ar Gàidhealtachd a vez graet eus an tiriadoù-se da lavaret eo ar « gouezelegva ».
Crédit photo : DR (photo d’illustration)
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
