Naoned : « Bevañ asambles » en tram

A LA UNE

Setu an « abadenn » a zo bet gwelet gant ul liseadez eus Naoned da bemp eur en tram, e kreiz-kêr Naoned. Ur gwir skouer eus ar « Bevañ Asambles » sakr a vez prezeget sul-ouel-ha-pemdez er mediaoù kalinanarz, neketa ?

10 a viz gwengolo : « E arsav ar 50 Ostaj e pignis en tram. A-daol-trumm e krogas ur paotr en e dregont vloaz da ganañ em c’hichen. Ha ne oa ket neuziet eus ar gwellañ ! Na barrek war ar c’han ! Aon em boa. Goude-se e krogas da c’hoari gant e zirenn, mod « sonadeg ». Oc’h hejañ anezhi. E kreiz an tram ! Komprenet ‘m eus diouzhtu e oa drammet net. Arruet en arsav all, ur gwaz a lavaras dezhañ da sioulaat peogwir e teue da vezañ torr-penn evit tout an dud. Ar paotr drammet a respontas dezhañ en ur meskaj saozneg-arabeg, ne gomprenas den ebet. Ne rae forzh eus ar pezh a lavare ar gwaz ha kenderc’hel a reas da ganañ ha da c’hoari gant e zirenn. Ha neuze, ar gwaz a glaskas teurel ur sell e-barzh sac’h ar paotr iskis, n’am eus ket gwelet mat perak met d’am meno e krede e oa drogach e-barzh. Ne laoskas ket ar paotr iskis hen ober ha kemer a reas ur vombezenn dic’hwezer ! Lakaat a reas tan enni ha neuze e klaskas lakaat tan e blev ar gwaz ! Ha trouz. Ne zeuas ket a-benn ar paotr drammet eus e daol met tomm eo bet d’ar gwaz !

Ne welis ket penaos e echuas an traoù rak ur paotr kosoc’h, ur studier d’am soñj, a welas em boa aon razañ ha sikour a reas ac’hanon da deurel kuit. Eüruzamant e oa amañ !

Illustrations : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine

.
- Je soutiens BREIZH-INFO - spot_img

Journées du patrimoine. Les manoirs bretons. Ar manerioù e Breizh

(Br) Pinvidik-mor eo glad ar vro, hag e-mesk an teñzorioù legadet dimp ez eus milieroù a vanerioù. Un tamm...

Rugby. 4ème défaite pour le RC Vannes à Mont de Marsan

Le début de saison du RC Vannes en Pro D2 tourne au cauchemar. 4 matchs, 4 défaites, la dernière...

Commenter

S'il vous plaît entrez votre commentaire!
S'il vous plaît entrez votre nom ici

Articles liés