Kambr galv lez-varn Brest en deus embannet e varnadenn d’ar 15 a viz du : chom a raio ar vulez en toull-bac’h !
E miz ebrel 2022 e voe kelaouet poliserien Brest e oa un trafik kokain etre ar Guyan, ar Surinam, Breizh ha Bro-Veljia. Dre garr-nij e errue an dramm e Orly ha goude e veze strewet ha gwerzhet e Roazhon hag e Brest.
E miz genver 2024 e komprenas ar boliserien e oa ur Surinamian en ur c’harr-nij oc’h erruout e Orly hag a oa leun a gokain e gof. Ur vulez ! Ha gant e wreg hag e vabig e oa. Surawalc’h evit nompas sachañ evezh ar valtetourien. Ur c’houplad gant ur poupon, ne vez ket diskred warnañ da gaout dramm gantañ !
Kerkent hag erruet e voe kaset ar Surinamian d’an ospital gant ar boliserien : ennañ e oa 87 sac’hadig a gokain, 863 gram en holl !
N’eo ket ar wech kentañ e ra seurt beaj : e 2017 dija e oa bet kondaonet evit ar memes fedoù ! D’an noz e voe kaset d’an toull-bac’h.
D’ar 14 a viz du e c’houlennas bezañ lesket da vont rak, bremañ, emañ e zousig hag e vabig o chom e Poitiers ! Nac’het gant al lez-varn.
A-benn ar fin, ez eus, e Bro-C’hall bremañ, ur Surinamian en toull-bac’h (paeet ganeomp), ur Surinamianez ouzhpenn e Poitiers hag ur babig (gant ar vroadelezh c’hall surawalc’h peogwir emañ ganet e Bro-C’hall) war ar marc’had !
Hag arabat skarzhañ tout an dud-se evel just !
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
