D’ar 15 a viz genver zo bet serret pevar den yaouank e Brest gant ar boliserien. Diskred zo warno bezañ kemeret perzh e tagadenn daou zen e miz kerzu, d’an 19 ha d’an 22.
O chom « glann zehoù » e vefe ar pevar c’hailh. Tro ar Gapusined, da lavaret eo Rekourañs ? Ha peseurt doare poblañs a zo o chom e Rekourañs bremañ, lavarit din…
D’an 19 a viz kerzu e komañsas an afer : un den a 17 vloaz az ae war-dro kouent ar gapusined pa kejas ouzh 4 den yaouank all m’en doa bet jeu ganto dija. Laeret eo bet ar paotr yaouank a-dreñv ar savadur : e votoù, e sac’h, e chupenn a zo aet gant ar pevar all, kountili ganto.
D’an 22 e voe krizoc’h an traoù : un den hag en doa labouret a-hed an devezh e marc’had Nedeleg an ti-kêr az ae, tro 8e30 noz, gant an tram betek ar Gapusined m’emañ o chom. Kerkent hag arruet e voe tapet fall : pemp den a lammas warnañ ! Taolioù barenn houarn e tapas, taolioù treid. Ha laeret digantañ e arc’hant, e eurier, e air-pods, e votoù, e yalc’h. Ha kuit an dagerien ! 5 gwriad en doa bet en ospital ha 15 devezh a ITT.
Gant ar video-evezhiañ zo bet adkavet buan pevar eus ar pemp argadour : 15 vloaz int ! Serret int bet d’ar 15 a viz genver. D’an 3 a viz meurzh e vint kaset dirak barner ar vugale.
Hag ur « sañtimant a vevañ asambles » o deus bet an daou reuzied ?
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
