Abaoe miz c’hwevrer 2021 e oa dindan OQTF. Ne viras ket ouzh un Aljerian o chom e bro Sant-Nazer da nac’hañ dirak ar barner d’an 20 a viz mae en defe laeret ur yalc’h e-barzh un Ehpad hag ur sakochenn en ur gourmarc’had. Hag eñ filmet en ur buro-butun o paeañ gant unan eus ar c’hartennoù glas laeret da c’houde !
E miz here 2023 ez eas un den kozh o weladenniñ an Ehpad a zo war porzh Sant-Nazer gant e wreg. E-barzh ar bignerez e santas e oa unan eus an daou zen a oa ganto o frotañ outañ. Pa’z eas er-maez e komprenas ne oa ket mui e yalc’h gantañ. Goulenn a reas digant an daou zen hag o doa gwelet un dra bennak. Nac’han a rejont. Unan eus an daou bichon-se a oa an Aljerian dindan OQTF.
Ar memes miz e voe kollet e sakochenn gant un den a 88 vloaz en ur gourmarc’had eus Sant-Nazer. Peuzgoude e voe paeet gant e c’hartenn-c’hlas laeret. War ar c’hameraioù eveshaat, piv a weler ? An Aljerian dindan OQTF, atav…
Met, dirak ar barner e adlavaras « n’en deus graet netra », kaer e goût !
Ha padal n’eo ket skañv e roll lez-varn : etre 2017 ha 2025 eo bet kondaonet c’hwec’h gwech dija ! Ur sapre prof evit Breizh ! Ur medisinour pe un ijinour ? Lârit din…
Kondaonet eo bet da 12 mizvezh toull-bac’h ar wech-mañ met n’eo ket bet lakaet dindan urzh bac’hañ, neuze eo aet kuit dizalc’h eus al lez-varn ! Ha ne vo ket kaset d’an Aljeri kennebeut hag eñ dindan OQTF abaoe 4 bloaz !
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
Une réponse à “Sant-Nazer : Un Aljerian dindan OQTF kondaonet evit bezañ laeret tud-kozh”
Ar memes-re atav !