D’ar meurzh 23 a viz gwengolo e oa un afer a feulster etre priedoù evel ma’z eus muioc’h-mui e Breizh hag e Bro-C’hall : daou estrañjour e oa. Eus an Iran hag an Afghanistan. Meur a wech en deus skoet ar paotr ouzh e wreg, rediet anezhi da « c’hoari » ha gourdrouzet anezhi a varv. Iranian eo eñ hag Afghanez eo hi. 29 vloaz eo ar paotr ha 23 bloaz eo ar plac’h. Evel m’eo ar c’hiz en o broioù ez eo un dimez dre heg, anat. Hag ar paotr a zo mestr en ti, hag ar mestr nemetañ : n’he deus nag arc’hant, na kont er bank, na pellgomzer ha, forzh penaos, n’he deus ket droad da gas arc’hant d’he familh en Afghanistan.
Hervez ar prokulor en deus ar paotr « prenet e wreg 25 000€ en Afghanistan ». Ha bevañ a ra e Kemper evel ma vefe c’hoazh er bled. Ur bugel en deus ar c’houblad.
Skeiñ a ra ganti rak krediñ a ra he deus ur mignon. D’an 20 a viz gwengolo he deus pellgomzet d’an archerien goude bezañ bet gourdrouzet adarre. Ar gwaz a nac’h tout ar pezh a vez rebechet dezhañ dirak ar barner.
D’ur bloavezh toull-bac’h gant goursez eo bet kondaonet an estrañjour. Ha n’en deus ket mui droad na da vezañ na da vevañ gant e wreg e-pad daou vloavezh. Mui 800€ a gastiz evit prenañ ar bandennoù.
Illustration : DR
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine.
