Emañ an antifa eus Brest o virvilh abaoe disadorn tremenet. Hañ fi ! Taget int bet gant gwir « emsaverien eus an tu-dehou pellañ » ! A-benn ar fin ! Ha c’hoazh n’eo ket bet prouet tra met gallout a rafe bezañ an tu-dehou pellañ, evit ur wech. E berr komzoù : Taget eo bet antifaed tolpet evit ur sonadeg en un davarn eus ar blasenn Guerin disdorn tremenet gant ur vandennad.
A-drugarez dezho o doa kavet an antifa un digarez a-zoare evit manifestiñ e straedoù Brest o loc’hañ eus ar Français-Libre dirak Rekourañs. Neuze o deus manifestet diriaoù « a-enep feulster an tu-dehou pellañ » met ne oa ket a-enep feulster an tu-kleiz pellañ. Setu perak e tarzhas an traoù e fin ar vanifestadeg pa voe merzhet gant ar vanifesterien e oa bet strewet poliserien a-hed an hentad evit o gwareziñ. Gant ar boeson hag an drogach o poazhañ anezho o deus kroget an antifa da sevel bardelloù ha da lakaat tan er poubelennoù evel int boaz d’hen ober.
Ha padal e oa daou gannad LFI er vanifestadeg, Pierre-Yves Cadalen hag e vignon Raphaël Arnault. Met daoust hag o deus klasket sioulaat an traoù ?
Ar PS brestad n’eus ket kemeret perzh er vanifestadeg rak Raphaël Arnault a oa bet pedet. Hogen, hemañ zo bet mouezh-aotreet ar Gward Nevez, un strollad antifa feuls dismantret e miz even e kuzul ar vinistred abalamour d’e… feulster justawalc’h !
Illustration : DR
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
Une réponse à “Brest : feulster e-pad ar vanifestadeg a-enep ar fulster !”
Hungaria – antifa = strollad sponterezh