Votadegoù-kêr : Diwan en deus kaset ur goulennaoueg da dout al listennoù war-bouez…

« Gant an dilennadegoù-kêr o tostaat e embann Diwan ur c’houlennaoueg diwar-benn ar c’helenn dre soubidigezh e brezhoneg ha diwar-benn plas ar yezh er politikerezh-kêr. Kinniget eo d’an holl listennoù war ar renk war-bouez re an tu dehoù pellañ. » he deus embannet ar gevredigezh e-barzh ur gemenadenn kaset war ar rouedadoù sokial d’an 20 a viz kerzu 2025.

« Ar pal eo dastum engouestloù resis a c’haller gwiriañ hag a glot gant tachennoù plediñ ar c’humunioù hag an etrekumunelezhiioù, peurgetket.

Moaien e vo d’an dilennerien mont war lec’hienn internet Diwan evit kaout elfennoù devoudel a-raok votiñ. Degemeret e vo respontoù al listennoù d’ar c’houlennaoueg betek an 31 a viz Genver.

Kas a ra soñj Kevread Diwan d’an holl eo liammet e ziorren gant divizoù lec’hel evit un darn hag eo dazont ar brezhoneg afer an holl. »

Met a-raok klozañ war he fennad, setu ar pezh a gred embann ar gevredigezh :

« Evit klozañ e embann Kevread Diwan c’hoazh n’eo ket e zalc’h strollad ebet, na prederouriel, na kredennel, na politikel na sindikadel h.a, ha kement-se diouzh e garta embannet e 1977. »

Ha penaos e c’heller krediñ e se pa lenner uheloc’h n’eo ket bet kaset ar c’houlennaoueg da listennoù an RN pe Reconquête tra ma oa bet kaset d’al listennoù soutenet gant LFI. Ha jakobin-tout hag enep-breizhad ar strollad !

Peseurt yezh pe yezhoù a vo komzet e Breizh pa vo « kreolizet » da vat hor bro ? Marteze e vefe errruet poent cheñch al lojisiel gaochist e-barzh Diwan, blaz an tiers-mondism hag ar gaochism eus ar bloavezhioù 80 ha 90 gantañ.

Foto : Diwan

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2025, dépêches libres de copie et de diffusion sous réserve de mention obligatoire et de lien do follow vers la source d’origine.