Abaoe 2013 e oa ur skol Diwan e Boulvriag (su Bro-Dreger). Kantadoù ha kantadoù a vugale o deus desket yezh o hendadoù er skol-mañ. Goude ar CM2 e c’helle ar vugale mont d’ar skolaj Diwan eus Plijidi. Just e-kichen.
Ha padal emañ tonket skol Boulvriag da vezañ serret.
A-benn miz gwengolo 2026 n’he do ket ti-skol ken ar skolidi. An hini a zo perc’henn war an ti a fell dezhañ lakaat da dalvezout e wir kerzañ. 17 bugel a zo er skol ar bloaz-mañ. Klasket o deus tud ar vugale kavout un ti-skol nevez. Propozet e oa bet un dachenn e-kichen ti ar re gozh gant an ti-kêr met n’eo ket hentaouet an dachenn. Labourioù a oa d’ober ha n’he deus ket arc’hant a-walc’h ar gevredigezh evit ober anezhe. Hag aljekoioù a oa da brenañ war ar marc’had. Mui ar porzh ha ne oa ket anezhañ…
A-benn fin ar gont en deus kemeret an AEP ar mennozh da serriñ ar skol a-benn miz gwengolo a zeu. Achu gant Diwan Boulvriag !
Bremañ e vo desavet an holl vugale eus su Bro-Dreger e galleg. Nag ur ranngalon !
Foto : Diwan
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
2 réponses à “Achu gant Diwan Boulvriag”
Ur ranngalon, gwir eo ! Diwan eo ar pezh m’emañ, gant e zoareoù rebechus woke ha bobo, met leuniañ a ra un toull er servij publik an deskadurezh. Nebeutoc’h a zDiwan a dalv c’hoazh muioc’h a c’hallekaat, gant kement a dalvez kement-se…
Penaos n’eus ket arc’hant evit kaout un ti-skol? Hag o zud klaskerien bara int? N’eo ket d’ar re all paeañ evit profitourien!