D’ar yaou 22 a viz genver e voe trouz er Vodadenn Vroadel diwar-benn an Islam hag an heñvelrevidi. Hervez Laurent Jacobelli, ar c’hannad RN eus ar Mozel, « ma fell deoc’h labezañ an heñvelrevidi votit evit LFI ! »
Piv a c’hell lavar ar c’hontrol, lârit din ?
Pierre-Yves Cadalen, kannad LFI eus Brest en deus fardet war ar mikro evit lakaat war-raok e « zurc’hadur revel » p’eo diouzh ar c’hiz da vezañ paotr an douar melen ha da c’hoari ganti evit gouneziñ mouezhioù nevez. Hervez paotr Brest, e zurc’hadur dezhañ a zisammfe LFI eus tout he fec’hedoù hag he dislavarioù.
Er Vodadenn Vroadel ne lavar ket kalz a draoù Pierre-Yves Cadalen er-maez eus kengor an aferioù diavaez m’eo ezel anezhañ. Ha c’hoazh, er c’hengor-mañ, setu un tañva eus ar pezh a lavar Cadalen : amañ (diwar-benn mare an nazism), amañ (mare an trevadenniñ) hag aman (ar c’harbo-faskouriezh). Atav ar memes randonennoù… Pelec’h emañ ar gannaded komunour eus an amzer gwechall hag a oa mouezhioù dedennus anezho en divizoù.
Met aet eo pelloc’h un ezel all eus ar Frañs Disuj, Gabrielle Cathala, pa lavaras e vefe mat terriñ statud ispisial an Alzas-Loren peogwir ez afe a-enep lezenn 1905 (pa ne oa ket an daou diriad-mañ e Bro-Frañs). Ha piv a savas e mouezh a-enep ar brezegenn laikard-mañ ? Ar c’hannad RN Théo Bernhardt, kannad eus an Alzas anezhañ. An RN o tifenn ur statud a emrenerezh rannvroel ? Mont a ra an traoù war-raok er « Parti » ! Hag e vo reklemet ar memes tra e Breizh gant Gilles Pennelle ?
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
