E Sant-Andrev-an-Doureier (44), moaien zo da « skanañ » istor ar c’hroazioù ha kalvarioù bremañ

Pegoulz eo bet savet kroaz-mañ-kroaz ? Petra eo delwenn-mañ-delwenn ? Betek-henn e veze staliet pannellouigoù bihan e harz seurt savadurigoù gant ar c’humunioù pe ar c’humuniezhoù-kumunioù. Ha c’hoazh ! Pa’z eus displegadurioù ! Kar ur bern savadurigoù a zo « mut ». Ne ouier ket o istor ha ral a wech ez a an dud da glask pelloc’h eus o fenn o-unan diwar-benn istor kroaz-mañ-kroaz.

E Sant-Andrev-an-doureier (« Saint-André-des-eaux » e galleg), e Bro-Gwenrann eo bet implijet an teknologezhioù nevez ha lakaet QR kodoù ouzh 20 savadurig eus ar gumun. Dibabet int bet gant an ti-kêr hag ar gevredigezh Histoire locale et patrimoine de Saint-André-des-Eaux. Pa vez kliket war ar c’HQR kod e c’hell ar bourmenerien lenn un destenn war e boellgomzer ma vez displeget enni istor ar groaz pe an delwenn diouzh ar munud.

Diwar ar fichennoù bet graet gant an abad Jeaumouillé hag en deus embannet war kannadig ar parrez istor ar savadurigoù etre 1947 ha 1950, eo bet savet an testennoù-mañ.

Gant ar gevredigezh Histoire locale et patrimoine de Saint-André-des-Eaux e vez embannet ur gelaouen (ar « Revue andrénaise ») war istor ar gumun. Ar peder hini a vo embannet e deroù 2027.

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.