Emañ falc’h an Ankou o rodal tro-dro d’ar ganerien vreizh er mare-mañ ‘m eus aon. Melaine Favennec zo aet d’an anaon. Embannet eo bet d’an 13 a viz gouere gant e vignon Gérard Delahaye.
Sonour gitar ha violoñs anezhañ, Melaine Favennec en doa kemeret perzh er strollad Diaouled ar Menez ha goude-se en triad EDF gant e gomperien Gérard Delahaye (D) ha Patrik Ewen (E).
Ganet e Kemperle e 1950, Melaine a oa mab e dad Robert, bet savet gantañ bagad Bro Gemperle. Ne oare ket brezhoneg met tomm e oa ouzh Breizh, he yezh hag he sevenadur. Soner e oa Melaine met ivez kaner, barzh ha livour. Aktour e oa evit ar c’hoariva hag ar sinema e oa ivez. C’hoariet en doa er bloavezhioù 80 er Brisures d’Abers (gant JL Le Tacon e 1982) hag Un voyage immobile (gant Kristian Lejalé e 1985).
Bet en doa bet prizioù an akademiezh Charles-Cros, hini ar SACEM hag hini « Krouiñ e Breizh » etre ar bloavezhioù 80 ha 90. Er bloavezhioù 2000 e oa bet gwelet anezhañ kalz o seniñ gant an triad EDF ha Dan ar Braz war leurennoù Breizh ha Europa.
Abaoe bloavezhioù e oa kentoc’h troet war al livañ gant diskouezhadegoù en e vro c’henidik. E 2020 e oa bet graet ur film war e vuhez : « les belles embarquées » gant François Catonné.
Chom a rae ur soner da gentañ. Barrek war an holl binviji. Unnek albom a zo bet sinet gantañ en holl.
Foto : Melaine Favennec yaouank. Tapadenn skramm INA
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
