Vinted a zo ur lec’hienn werzhañ hag a ra berzh. Dreist-holl gant ar merc’hed hag ar re yaouank. Gwerzhet e vez an dilhad kozh ha prenet re nevez marc’had-mat.
Hag ar re a bren pe a werzh traoù war Vinted a ra gant pakadoù kaset gant un transportour bennak. Simpl an traoù ! N’eus ket nemet moullañ un diketenn ha pegañ anezhi war ar pakad. Digoust eo evit ar c’hasour. Evel just ez eus lec’hiennoù all a seurt-se war junglenn internet.
Meur a servij transportchoù a vez implijet gante. Met daou a zo implijet ar muiañ : Chronopost ha Mondial Relay. An daou o deus perzhioù mat ha perzhioù fall. Met Mondial Relay a zo kalz aesoc’h d’ober gantañ : ur poent relae a zo er c’hontre, nepell ac’hann. Ur implijiad bennak a skan ar QR kod a zo war an diketenn ha partiet eo ! Ken simpl ha tra ! Ha biskoazh ne vez nac’het ar pakad gant ma vez ar pakad d’ar ment reizh.
Met gant Chronopost n’eo ket memes mod. « Melestradurel » eo.
Seurt « neizhoù kelligoù » Chronopost a zo e pep lec’h, gallout a reer leuskel pakadoù en ur c’hellig bennak goude bezañ bet skanet ar QR kod gant ur mekanik bennak. Siwazh, n’eo ket tout ar pakadoù a c’hell mont er c’helligoù-se. Ha n’eo ket un afer a vent nemetken, un afer a resever ne lavaran ket. Dav eo skanañ ar pakad evit gouzout hag e vo degemeret en neizh pe get. Ma’z hoc’h deuet gant ar c’harr-tan, dija ez eus bet foeltrer esañs ganeoc’h !
Ma vez nac’het ho pakad en « neizh » e c’hellit klask ho chañs en ur burev Post bennak. Ma vez unan dambell. Met amañ ivez ez eus pakadoù ha ne vez ket kemeret gant ar post « ofisiel » Ar re a vez kaset da boentoù relae da skouer.
War-se eo ret deoc’h mont d’un trede lec’h evit gouzout hag e vo kemeret ho pakad e karg pe get. Hag al lec’h-se (ur gourmarc’had, ur Post vrasoc’h, …) a c’hell bezañ pell a-walc’h eus ho demeurañs !
Ha tout-se evit dilhad a vez gwerzhet nebeutoc’h eget 10€… 5€ memes meur a wezh…
Setu perak e vez implijet nebeutoc’h-nebeutañ Chronopost gant ar re yaouank. Re gompliket, re velestradurel eo. Kudennoù a zo gant Mondial Relay pe transportourion all, pakadoù a vez kollet da skouer, met kalz aesoc’h eo d’ober gante.
Ha tamm-ha-tamm e vo lazhet ar servij Chronopost. A-raok ma vefe lazhet ar Post da vat moarvat…
Ar gwerzhioù a-bell a vefe bet gellet bezañ ur chañs evit ar Post, un doare da adstagañ ganti kar bremañ ne vez ket kaset kement a lizhiri ha gwezhall.
Met petra ‘ri…. Bro-Frañs eo, « ar melestradur »…
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
