D’ar c’hentañ a viz eost eo bet embannet e diviz gant lez-varn galv Roazhon : chom a raio en toull-bac’h an den en doa skoet gant un evezhier e Kemper ! Kar e-pad ur frapadig goude-se e oa chomet eñ e koma. D’an 20 a viz ebrel e c’hoarvezas an afer. Dirak bowling Kemper e tarzhas un emgannadeg etre meur a zen. En o zouez, daou dermaji. An hini en toull-bac’h a zo eus ar gumuniezh-mañ. Hervez an testoù en defe skoet gant an evezhier hag a vefe kouezhet evel ur sac’had eskern. Gantañ traoma ar c’hlopenn hag unan grevus, kaset e oa bet d’an ospital diouzhtu ! Hervez kont en defe an Termaji kunujennet an evezhier hag en defe berzet outañ hag ouzh e gomper da vont tre er bowling kar dindan boeson e oant. Setu ar pezh a weler war ar video-eveshiañ, bepred.
Unnek menneg a zo war roll lez-varn an den tamallet. Emañ e vignonezh e toug met ne fellas ket d’ar barner leuskel anezhañ da vont kuit kar aon en deus e vefe arabadet war an evezhier hag a zo o chom nepell eus leur-degemer ar gantreourien m’en deus goulennet an Termaji bezañ asinet ennañ.
Da c’hortoz e brosez e chom en toull-bac’h.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
