Korsika : ur gevredigezh wokist er skolioù diskuliet gant Palatinu hag A Scopa

E Korsika zo bet savet ur gevredigezh anvet A Scopa (ar valaenn). Ganti e vez stourmet a-enep ar wokism er skolioù eus an enezenn, a-enep ar c’hevredigezhioù pro-jener hag a ra o fropagand er skolajoù pe liseoù war zigarez kelaouiñ ar re yaouank war ar sekselegezh. Liammoù a zo etre A Scopa hag ar Mossa Palatina, ar gevredigezh broadelour hevelebour savet gant Nicolas Battini.

D’ar 15 a viz gwengolo e voe kelaouet hemañ e oa ar CPAM Korsika oc’h aozañ abadennoù kelaouiñ war an « diarbenn » dirak ul lise eus Bastia, al lise Montesoru. Met unan eus ar c’hevredigezhioù a oa er jeu a oa ur gevredigezh wok : an C3S (Corse Stratégie Santé Sexuelle).

Hervez Nicolas Battini en defe ar C3S aozet e miz even e mediaoueg Aiacciu ur brezegenn hag un abadenn drag queen dirak bugale. Un abadenn a zrag-queened treuzwisked e seurezed e oa ouzhpenn-se (foto) ! ‘Nes komz eus ar prezegennoù wokist hag LGBTour !

Nicolas Battini en deus komzet gant rener al lise hag ensellerezh akademikel hag a lavar n’en deus ar gevredigezh-mañ tamm gratadur ebet evit lakaat he fri er skolioù, skolajoù ha liseoù.

Fuloret, prezidant C3S en deus lavaret ne oa bugel ebet an deiz-mañ. Siwazh, war ur podcast, unan eus an drag-queened a oa er sal an deiz-mañ a lavar ar c’hontrol evel a glever e-barzh ur video bet graet gant Nicolas Battini.

E Korsika e vez stourmet a-enep wokadur ar gevredigezh gant ar vroadelourien. Hag e Breizh ?

Crédit photo : DR
[cc] Article relu et corrigé par ChatGPT.

Breizh-info.com, 2025, dépêches libres de copie et de diffusion sous réserve de mention et de lien vers la source d’origine