Un den hag a oa er skipaih a glaskas lakaat tan en un den all hag a dlee 1500€ dezhañ en doa goulennet bezañ lesket da vont. Chom a raio en toull-bac’h a-benn ar fin, setu ar pezh a zo bet divizet d’an 13 a viz c’hwevrer gant lez-varn galv Roazhon.
Feuls ar gevredigezh ? Lennit mat ar pezh a heul :
E Brest e c’hoarvezhas an traoù. E miz du 2023 e oa bet skrapet un den e Brest. Skrapet gant pevar den. Dleout a rae 1500€ d’unan anezho. Degouezhout a rejont dirak e labour hag e c’houlennjont gantañ tennañ 2000€ er bank. Ar paotr a bellgomzas d’e vignonez evit ma tennfe an arc’hant. Met berr e oa ar yalc’had hag e teuas a-benn da dennañ 500€ hepken. Reiñ a reas an arc’hant da zaou zen e « kartchier » Bellevue e Brest, ur gwir baradoz evit an dud onest.
Met ne oa ket awalc’h.
War-se e komañsas un hir a nozvezh evit an den skrapet. Lakaet e oa bet e koufr ur c’harr-tan (evel er filmoù) ha skoet meur a wech. Goude-se e oa bet kaset en ur c’hav evit bezañ skoet c’hoazh ha neuze kaset en ur park ma klaskas tec’hout kuit, en aner.
A-benn ar fin e oa bet rediet d’en em lakaat war an daoulin ha skuilhet e oa bet esañs warnañ. Unan eus ar rakailhed a chetas e sigaretenn warnañ ha tan.
Kaset d’an ospital gant e skraperien e oa devet e gorf. Kaset e voe diouzhtu da greizenn an dud gwallzevet eus CHU Naoned.
Serret e oa bet ar pevar den gant ar polis. An hini a vefe e penn an traoù a oa bet kondaonet 19 gwech dija etre 2013 ha 2022. Ur pratik mat evit ar boliserien ! En toull-bac’h e vez graet jeu gantañ.
Goulennet e oa bet gantañ bezañ lesket da vont met chom a raio en toull-bac’h kar dañjerus-tre eo. Eus e du, an den devet a glask ankouaat ar pezh a zo c’hoarvezhet met gloazet don eo bet ha diaes eo dezhañ ‘fet spered. En « estrenvan spered » e vefe eñ zoken bremañ.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
