D’an 28 a viz even e voe digoret an ESCC Maen-Roch e Bro-Felger. Gant an departamant hag ar gevredigezh kumunioù « Marzoù Breizh » eo bet savet. Er 2800m² a za d’ober ar greizenn ez eus bet bodet kreizenn oberezh sokial an departamant, ur skol muzik, ur vediaoueg ha meur a servij all. Met n’he doa ar greizenn anv ebet betek-henn. Da geñver dalc’h gentañ ar C’huzul Departamant ez eus bet dibabet an anv : « Kreizenn Eugénie Duval » evit an ESCC-mañ. Ur ganerez, kontourez ha gallaouegerez eus Bro-Felger e oa hi. Aet eo d’an anaon e miz genver 2021 goude un hir a vuhez. A-orin eus Mezieres-sur-Couesnon e oa.
