Hag ur wech adarre e oa dirak an aotrou barner. E Sant-Brieg ar wech-mañ. Ken dañjerus eo ar patr-mañ ken e tleas bezañ ambrouget gant archerien ouzh e heul.
Termaji eo an den. 61 bloaz. 33 bloaz er bidouf. 37 menneg war e roll lez-varn. Un arzour !
Abaoe 2017 emañ en toull-bac’h, a-vareoù, kondaonet peder gwech evit bezañ skoet gant e wreg. Dibrizonet e oa bet e miz c’hwevrer. Siwazh, d’ar 24 a viz meurzh e oa e zeiz-ha-bloaz. E kamp Pempoull en doa kroget da lakaat ‘barzh pa erruas e wreg kozh, karget mat hi ivez. Ha dao ! Setu partiet fest ar vazh en-dro ! A-benn ar fin he do ar paourkaezh vaouez 15 devezh ITT ken fall oa e stad.
Met aon he deus. Ken e fellas dezhi en em zislavarout dirak an archerien. Dav eo lavarout e oa ambrouget gant niz ar paotr tamallet pa kontas bidennoù d’an archerien evit didamalliñ he hini kozh. Met ne gredas ken enni ar barner.
Dre ma chome un tamm amzer d’ar barner e voe kaoz gantañ eus laeroñsioù a-rummadoù a zo bet e gourmarc’hadoù tro Pempoull abaoe div sizhun. Anzav a reas an termaji eo eñ en doa graet se. Forzh penaos eo e zoare da vevañ : laerañ !
A-benn ar fin eo bet kondaonet da 5 bloavezh mui ur bloavezh a c’hoursez a zo bet torret : 6 bloavezh ! Betek ar wech kentañ !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
Une réponse à “Pempoull : 61 bloaz, 33 bloaz en toull-bac’h evit an termaji”
C’est toute l’histoire de Pempoull