Etre Bro ar Maez ha Bro Naoned, ur c’hwibler a oa deuet a-benn da zebochañ ur vamm-gozh gant forzh ardoù e miz genver 2021.
D’al lun 02 a viz genver eo bet kondaonet da 8 mizvezh toullbac’h.
Da gentañ tout ez eas da doullañ kaoz ganti dirak ur gourmarc’had eus Kastell-Briand. Pediñ a reas anezhi d’ar preti, profiñ a reas dezhi ur boked rozoù, hag all hag all. Aldo ar c’hlas ! A-benn ar fin e pedas ar vamm-gozh ar gwaz, fichet-kaer, da chom da gousket war ar gourvezvank. Da bemp eur mintin e savas ar vaouez met aet e oa kuit « Pierre Lopez » (diwar an anv en doa roet d’ar preti) gant he zwingo !
A-raok an afer-mañ en doa graet ar memes c’hoari gant ur vaouez gozh eus Orvez (44) dindan gulatoriezh e miz even 2020. Treuzwisked e oa e archer ar wech-mañ.
Ur jipsian eo « Pierre Lopez », o veviñ e Sant-Ervlan en ur c’hamp termajied. Un ugent bennak a venneg a zo dija war e roll lez-varn. Kondaonet eo bet ur wech ouzhpenn neuze met a-benn nebeut e vo kaset dirak lez-varn Naoned adarre : e miz even 2020 e oa bet devet ur vamm-gozh e-barzh he zi, tan-gwall ennañ. Just a-raok ma tarzhfe an tan e oa tremenet ur c’hwibler da welet anezhi… Ha « Pierre Lopez » e oa ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
