E Lambal e oa degemerus e zor. 51 vloaz anezhañ hag e roe bod d’un den abaoe sizhun. Ya met mont a raio an traoù a-dreuz. Feurmet zo bet ur c’harr-tan gant an ostiz met an « den pedet » eo a implij anezhañ. Hag, un deiz, war an hent e nac’has sujiñ d’ar boliserien. Adkavet eo feurmer an oto gant ar polis hag hennezh eo a zo bet pedet da zont d’ar c’homiserdi. Lavarout a reas ar wirionez d’ar boliserien, ar pezh ne plijas ket d’e skwater.
D’an 12 a viz here 2024 setu ar skwater o tegouezhout gant daou labous er ranndi. Ha partiet fest ar vazh ! Skoet ha jahinet e voe an ostiz ha rediet da reiñ e gartenn c’hlas ha da lonkañ ur c’hached extasy war briz !
Abaoe en deus aon ar paourkaezh den. Aon e teufent en-dro.
Ne viras ket ouzh ar skipailh da vezañ bet kaset dirak lez-varn Sant-Brieg d’al lun 05 a viz mae. An hini yaouankañ a zo bet kondaonet da 12 mizvezh gant goursez. Glann e oa e roll lez-varn, neuze… « Cédric » hag a zo hir-kenañ e hini a zo bet kondaonet da 18 mizvezh a doull-bac’h, hep goursez. Ha Bilel, kasour an afer, da 30 mizvezh. Forzh penaos e oa an daou-se e toull-bac’h evit aferioù all dija…
Ha chom a raio Bilel e Breizh pe…. ?
Crédit photo : DR
[cc] Breizh-info.com, 2025, dépêches libres de copie et diffusion sous réserve de mention de la source d’origine
