Ur raktres a leti sokial a zo e Lambal-Arvor, e-kichen ur lise evel just kar ret eo « meskañ an dud » ar muiañ ar gwellañ. Hogen emañ karteridi Gauffenis, ar c’harter « choazet », o reiñ mouezh evit ma vefe nullet ar raktres. Ne fell ket dezho e vefe tud trelatet, drammet pe me oar o kantreal e penn o hent-dall, anat !
E penn-kentañ e oa anv da sevel un dachenn evit an dermajied ivez, nepell eus al leti. Dre vurzhud ideologiezh ar « bevañ asambles » o defe en em glevet mat an div boblañs, evel just ! A-benn ar fin ne vo ket anezhi hervez rentañ-kont komiserez ar PLU embannet e miz ebrel. Met chom a ra raktres al leti.
Skrivet o deus ar garderidi d’an aotrou maer Philippe Hercouët evit adlavaret ne fell ket dezho e vefe savet al leti sokial. Votet e vo ar PLU nevez e miz gouere pe gwengolo ha esper o deus e vo klevet o mouezh gant ar guzulierien kêr. A-hend-all emaint en aviz sevel klemm dirak al lez-varn melestradurel.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
