Daou grennard, ur paotr hag ur plac’h, a oa o trotal war un droterez tredan d’ar gwener 14 a viz du e Blain. E-korf un nebeut munutennoù o deus graet tout an traoù difennet a c’hellent ober war an hent : tremen pa oa ruz ar gouloù, kemeret straedoù en tu-fall, darbet zo bet dezho stokañ ouzh otoioù, ur gwir road movie mod krennarded aze ! A-benn ar fin eo bet serret an daou Vonnie ha Klyde a Liger-Atlantel gant an archerien rak dañjerus e oant evito hag evit ar re all.
Buan e komprenas an archerien e oa an daou yaouankiz-se daou vinor. Paotr ha plac’h. 14 ha 16 vloaz. Ha war dec’h !
N’eo ket bet aes serriñ anezho rak n’o doa ket c’hoant chom a sav ha kunujennet o deus an archerien !
O furchal e-barzh o fichennaouegoù o deus kavet ar soudarded e oa bet distrujet pezhioù arrebeuri kêr e Melereg-Breizh d’an 11 a viz du. Gwaskedoù bus, gwerennoù a oa bet drailhet gant daou grennard. Daou grennard hag a seblante bezañ heñvel ouzh an daou c’hwil tapet e Blaen.
Kenderc’hel a ra an archerien gant o enklask met gallout a rafe an daou labous bezañ barnet evit afer Melereg ivez.
Illustration : Tapadenn skramm pajenn Facebook ti-kêr Fay-de-Bretagne
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
