Dan Hokeer, setu ouzh piv e c’houreno Benoît Saint-Denis d’an 31 a viz genver e Sydney (Bro-Aostralia) da geñver an UFC 325. Deiziadet eo bet an emgann-mañ daou viz hanter goude an hini ouzh Beneil Dariush e New-York met normal eo kar n’eo ket bet gloazet ar Nimad gant an amerikano-iranian. A-boan m’en doa bet tro da skeiñ gant ar Gall a-raok bezañ falc’het gant ur c’hrog. 16 segondenn en doa padet an emgann ha setu roet lamm da zDariush gant ar soudard Saint-Denis lesanvet « God of War ».
6vet e renkad UFC ar re skañv (-70kg), ur rummad diaes kenañ en MMA, eo Hooker ha 8vet eo Benoît Saint-Denis. Ma vo trec’h e miz genver e c’hellfe ar Gall bezañ degemeret en top 5.
Ur « striker » eo Dan Hooker, bet kampion kick boxing (9-1-3) ha boks thaï met gourenet en deus e grapplin ivez, ar pezh a dalv e oar meur a deknik emgann. Gourenet en deus e rummad -86kg (+16kg muioc’h eget e rummad) ! dija, ar pezh a dalv e vo great « cutting » gantañ, ken sur ha tra. Evel ma ra Benoît Saint-Denis forzh penaos.
Dan Hooker, un Nevez-Zelandad a vroadelezh, en deus graet un emgann (ha kollet anezhañ !) e miz du. Ha paket kalz en doa an noz-mañ. Ha prest e vo e gorf hag e zremm da bakañ taolioù kreñv BSD ? Amañ emañ an dalc’h.
A-raok an emgann BSD-Hooker e c’hello paotred ha merc’hed an MMA sellet ouzh un emgann dedennus all : hini ar Breizhad Paul Dena en Hexagone MMA 37 ouzh ar Brezilian Paulo Santos e rummad ar -61kg. D’an 9 a viz genver e vo an emgann-mañ er Zenith eus Paris-La Villette.
War RMC Sport e c’hello an aficionados sellet ouzh an tournamant a-bezh. Gant ma strako ar Gwenn-ha-du c’hoazh an noz-mañ kar boaz eo Paul Dena da zispakañ banniel Breizh (pe an Tri Liv) pa vez trec’h gantañ !
Illustration : Tapadenn skramm RMC
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
