Just a-raok Nedeleg zo bet prezantet gant Mathilde Pannot eus LFI ur raktres-lezenn evit adreizhañ an obidoù e Bro-C’hall. Hiviziken, ma vez votet al lezenn-mañ, e c’hello an dud bezañ douaret er mod a blij dezho. Da lavaret eo pe en un arched evel tout ar C’hallaoued hag ar Vretoned pe en ur sebeilh, ul liñsel. Ha, war zigarez « kas war-raok an ekologiezh » (bezañ douaret en ur mod naturel) e fell da LFI hoalat ar Vuzulmaned evel just hervez ar C’hanard Enchainé. Rak, div relijion nemetken a laka o fideled da vezañ douaret en ur sebeilh : ar Yuzevien hag ar Vuzulmaned. Ha tout an dud a anav an darempredoù etre LFI hag ar Yuzevien bremañ…
E Bro-Frañs e c’hell ar Vuzulmaned bezañ douaret en ur sebeilh en un departamant nemetken : Mayotte. Mod-all e rankont kas o re varv en o bro. Un digarez a-zoare evit LFI hag a c’hellfe goulenn e vefe ledanaet hag hollekaet an diarbenn-mañ e Bro-Frañs a-bezh.
Ha, dre zegouezh moarvat, eo bet prezantet ar raktres-lezenn a-raok ar votadegoù kêr. Hogen, an tiez-kêr eo a zo e-karg eus an interamantoù…
Penaos e vez lavaret « clientélisme » e brezhoneg ? Lavarit din… Ostizeraj ?
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
