Sant-Brieg : ur pred etre kristenion ha muzulmaned aozet gant an eskopti

Ur pred « etre breudeur » a vo aozet e Sant-Brieg ma vo bodet asambles fideled katolik ha muzulmaned d’ar 07 a viz c’hwevrer a zeu. Er c’hochu Sant-Matthias (dindan iliz Sant-Erwan) e vo aozet ar pred-mañ gant « rann an diviz etre-relijiel » eus an eskopti. « Kristenion ha muzulmaned, deomp war-ziarbenn an eil gant egile » eo dodenn ar pred-mañ.

An dud hag ar familhoù zo pedet da zont, pep hini gant ur meuz pe un dibenn-pred da rannañ asambles.

Diwar intrudu an aotroù Moutel, eskob Sant-Brieg ha Treger, zo bet savet e miz gwengolo 2024 ur bodad « evit kas war-raok an diviz etrerelijiel » en eskopti. Ha petra eo palioù an « diviz »-mañ ?

– Pediñ ar gristenion d’ober anaoudegezh gant tud a relijionoù all. Ha padal e reomp anaoudegezh ganto. Bemdez ha bemnoz, e forzh peseurt straed pe kêriadenn dister bremañ !

• Kinnig stummadurioù war ar relijionoù all
• Pediñ ar gristenion da brederiañ war an diviz etrerelijiel
• Degemer an holl re intereset gant an doare-ober-mañ.

Siwazh, n’eo ket dre lakaat ofisiel « kult Egile » santel e vo cheñchet penn d’ar vazh gant an iliz katolik. Ha gwelet o deus pennoù bras ar relijion kristen omp aloubet gant « Egile » pe get ?

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.