D’an 2 a viz ebrel e oa marvet ur paotrig a 5 vloaz dre bezañ lonket kokain.
Da gentañ holl en doa lavaret e dad-kaer en doa kavet ur sac’hadig drogach e-barzh diri o savadur. Met, pennoù-dramm e oa an daou labous-se ha buan-tre e komprenas ar boliserien e oa un dra a-dreuz gante. Ha diskred zo bet warne bezañ leusket koko da ruihal war an daol. Kaset int bet da doull-bac’h Sant-Brieg. Dibrizonet eo bet ar vamm abaoe.
Met bremañ e reklem an tad-kaer, un Ejipsian, bezañ dibrizonet da c’hortoz ar prosez. Div wech dija eo bet goulennet gant e vreutaer digant barner ar frankiz hag ar bac’hañ. Ar wech kentañ en doa prezantet ur promesiñ labour evel barver hag an eil gwech evel paotr ar sevel tiez !
Met blev ! Ha padal en deus klasket ar breutaer sachañ evezh ar varnerien war an taolioù en deus paket an tad-kaer en toull-bac’h. Bac’het eo an tad gwir ivez en ur prizon all hag en defe lakaet ur c’hevrad war penn e gevezer.
Ne vern. Chom a raio en toull-bac’h da c’hortoz e brosez. Ha kas anezhañ d’e vro, mod-all, ha moaien vefe… ?
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
