Kêr Felger a oa anavezet betek-henn evit an tan-gwallioù a vez amañ hag ahont abaoe bloavezhioù, tan lakaet e kirri-tan peurvuiañ, met bremañ setu un afer brezel ar pretioù.
Ur vaouez pevar-ugent vloaz a zo bet toullbac’het d’an 11 a viz even evit un iskis a afer : diskred zo warni bezañ gougemennerez skrapadeg an den en deus kemeret penn he restaorant kozh. E miz c’hwevrer e vefe c’hoarvezhet an traoù : skrapet e oa bet an den gant daou baotr e Bro-Felger. Skoet, gourdrouzet, setu eñ kaset da Redon. Hag eno e oa bet goulennet (groñs) digantañ reiñ e lodennoù en ti-debriñ en doa prenet d’ar renerez kozh !
Evel just ez eas an den da sevel klemm d’an archerdi kerkent ha leusket da vont. hag an archerien a soñjas diouzhtu en un afer all a oa c’hoarvezet e Felger dija en diskar-amzer 2025 : fasadenn ti rener ur preti all a oa bet toullet gant tennoù. Tud masklet o doa achapet goude bezañ tennet. Hag ar vaouez menneget uheloc’h a vefe dija en afer. Hag ul liamm a vefe ?
Serret eo bet gant pevar den all. Evit poent ez eus 7 den lakaet dindan enklask ofisiel en afer-mañ.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
