A-boan dezhañ bezañ tapet e 18 vloaz eo bet serret o vleniañ ur c’harr-tan laeret ! Ar paotr-se eus Felger e reter Breizh a zo anavezet mat gant ar polis hag ar justis. Abaoe e oad tener e vez graet sotonioù gantañ. Met ne vir ket outañ da vezañ bet serret d’an 9 a viz ebrel ouzh stur ur c’harr-tan laeret. En oto-mañ e oa daou lampon all gantañ. Mont a rae buan, re vuan, e kreiz kêr ha remerket eo bet gant ar boliserien. Nac’hañ a reas chom a sav pa voe goulennet gantañ gant ar boliserien ha kroget ar poursu. War e lerc’h, daou garr-tan polis hag a zeuas a-benn da lakaat anezhañ da chom a-sav straed Anatole Le Braz a-benn ar fin. Etretant en doa stoket oto an hailhoned ouzh ur wezenn !
Serret eo bet ar paotr 18 vloaz hag aet kuit an daou all. Ar boliserien a zo o klask war o lerc’h.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
