Ur c’hleñved-spered eo ar gaochism. E Penmarc’h, e Bro-Vigouden, luganioù a-enep ar douristed hag an eil-tiez a zo bet taget war mogerioù zo. Bon… n’eo ket souezhus kar bro-Vigouden a zo aloubet e-pad an hañv ha ker-ruz eo prizioù an tiez hag ar ranndioù abalamour d’ar brokañ war ar madoù leve hag an diouer a lojamantoù.
A zo gwasoc’h, d’ar 16 a viz eost zo bet diskrogn-dent etre un den eus ar vro war velo hag ar douristelez o c’haloupat. « Kae kuit ! N’out ket eus ar vro » a zo bet huchet outi hervez an Telegram.
Met p’emaomp gant ar luganioù : peseurt re a zo bet taget aze ? « Non aux résidences secondaires » eo an eil, taget war ur voger eus porzh Keriti hag an hini kentañ oa « Tourists go home, refugees welcome« .
Aze e weler splann gant piv eo bet graet an tagoù-mañ. « Refugees Welcome », ar gaochisted a zo er jeu, ken sur ha tra. Ha pere ? Marteze gaochisted pro-bzh ha c’hoazh n’eo ket sur. Hag amañ e komañs ar c’hleñved spered. « Refugees Welcome » ? Chantal ha Bernard eus Paris hag o deus prenet ar ranndi e Sant-Gwenole hag a zispign o arc’hant en holl stalioù ar bourk a zo anezhe boued ar c’hroug da skarzhañ ar buanañ ar gwellañ kar lakaat a reont ar prizioù da greskiñ.
Ok, lakomp !
Met, war un dro, Mamadou ha Mariam eus ar Mali, lojet, remedet ha maget gant arc’hant ar Vretoned a zo « pinvidikourien » da voumounañ. Ha ma c’hellfent degas gante o zud ha tout ar bled e vefe gwelloc’h c’hoazh evit ar Vretoned !
Setu kredo ar gaochisted ha setu sotonioù sortiet eus o fennoù toull ! Achu gant-se ! Achu gant sponterezh speredel ar gaochisted hag o broadelouriezh faos ! Ar re-se a fell dezhe skarzhañ tout ar C’hallaoued ha degemer an Afrik a-bezh e Breizh.
Ha petra a soñj tud Penmarc’h ? Ar paourkaezh maer, David Le Berre (tu-kleiz) en deus savet e vouezh war ar rouedadoù sokial met gantañ ez eus bet gwelet ur lugan « xenofob » !!!
« Refugees Welcome » zo xenofob ? Marteze en deus c’hoant hemañ lakaat en arvar an « tu-dehoù pellañ » hag ar « fachism », kement hag ober !
Siwazh dezhañ eo kentoc’h ar gaochisted o deus graet an tag-mañ.
E 2024 evit ar votadegoù europa, ar listenn Bardella hag ar listenn Knafo o deus tizhet, en holl, an 32% e Penmarc’h. N’eo ket sur ar « Refugees Welcome » a blijo d’ar re anezhe a oar saozneg.
Evel just ez eus ur gudenn e Breizh gant an douristelezh. Re zo re. Re a douristed e lec’hioù zo, re a aveadoù publik a zo dreistmentet evit degemer anezhe daou vizvezh diwar daouzek, re uhel prizioù an tiez abalamour dezhe, re, se zo sur ha d’ar Vretoned eo da brederiañ asambles war ar gudenn-mañ met, fidamdoue, poent eo prederiañ ivez war pouez ar repuidi hag an estrañjourien war hor bro.
« Touristed Kit kuit » (eus lec’hioù zo) se zo sklaer, met gallout a reer tagañ ouzhpenn « ha kasit ganeoc’h ar repuidi, mar plij » ha n’eo ket ar c’hontrol eo.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
