Ne gomprenan ket perak emañ ar gleizourien Vreizh o taeriñ ruz ouzh an diskouezadeg “Keltiek ?” eus ar Champs Libres e Roazhon. Kement ha kemer ur skouer, Alan Kloareg eus Douar & Frankiz a c’hourc’hemenn war e bajenn Facebook an enklaskour Ronan Le Coadig evit e hir a bennad war Mediapart :
Hag hol lennerien a oar en deus Alan Stivell tennet e baeroniezh p’en doa dizoloet peseurt blaz a oa gant an diskouezadeg-se.
Ha peseurt bloaz a zo gant an diskouezadeg-se a-benn ar fin ? Blaz an “disevel”, blaz ar “geñverelouriezh” tra ken. Blaz an “enmezh”, ar “mezh ganin ma-unan”. Blaz an “holl identelezhioù a zo bitrakoù savet diwar netra anezho”. Ha gant piv eo bet ijinet tout ar meizadoù brein-se ? Ar gleizouriaj a-vremañ degaset eus ar skolioù-meur amerikan an hini eo evel just.
Ha ma vefe un diskouezadeg er Champs Libres o lavar e vefemp holl ni bretoned a-orin eus Afrikaniz degaset er vro an diaoul ‘oar penaos, petra e vefe lavaret gant hor gleizourien ? Ha savet o defe o mouezh ivez ? N’o deus ket c’hoant bezan hironed pe kreolizet ken ? Ha fellout a ra dezho bezañ keltied a-ouenn vat a-benn ar fin ? Setu mennozhioù iskis, neketa ?… mennozhioù hag a zo “blaz ar faskouriezh” ganto zoken ! Alato !
A’ta tudoù ! N’omp ket kelted, ni zo holl hironed setu ar pezh a brezeg hag a adprezeg aviel ar gleizouriaj ! Lavar ar c’hontrol a zo “faskour” ! Ha n’ho peus kontet aon da vezañ kontet “faskourien” gant ur strolladig gall bennak ?
Gant an diskouezadeg “Keltiek ?” setu hor c’hleizourien vreizh paket en o griped ideologek dezho ‘m eus aon.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
