Betek ar 15 a viz kerzu 2015 e krede pobl gKorsika e oa war var da vezañ ramplaset gant ar « C’hallaoued deuet eus ar C’hevandir » (ar Pinzuti e yezh ar vro). Met an deiz-se e tarzhas afer « Liorzhoù an Impalaer » e Aiacciu-Ajaccio. Pomperien a oa bet desachet en un toull-strap gant divroidi ha taget gante « peogwir e oant Korsad ». Luganoù gouennelour hag enep-korsad a oa bet huchet ha gwallgaset e oa bet ar bomperien. Lod anezhe a oa bet gloazet. Ar pezh ne oa ket bet gwelet biskoazh en enezenn a-raok an noz-hont !
Taget e oa bet ar boliserien a oa deuet da sioulaat an traoù ivez hag ur gwir gerilha en doa komañset er « c’hartchier »-mañ m’eo niverus ar poblañsoù ekstra-european.
Da heul e voe aozet ur vanifestadeg gant Korsiz. 600 e oant dirak ar prefeti ha 300 anezhe a c’haloupas betek ar c’hartchier evit ober o stal d’an dagerien. E-touez ar vanifesterien, ur bern broadelourien hag a rae anaoudegezh gant ar Ramplasiñ Meur, pezh ne oa ket anat er metoù broadelour korsad betek-henn kar touellet e oant gant an tiers-mondism.
A-benn ar fin e voe lakaet tan er voskeen hag ur c’hebab a voe taget gant Korsiz troet sot gant ar fulor.
Antronoz e voe aozet ur vanifestadeg all, ar vanifesterien o huchal « On est chez nous » e korseg hag e galleg. Displeget e oa bet an archerien hag embannet gant ar prefeti ne oa ket droad ken da vanifestiñ e kartchier « Liorzhoù an Impalaer ».
Er metoù broadelour korsad e oa bet treboulañs gant se. Mont a rae a-enep lugan ar « Gumuniezh a donkadur » a oa bet lakaet da bennreolenn an ideologiezh broadelour abaoe afer Aleria ha krouidigezh an FLNC da heul. A bep liv politikel e oa an emsav broadel korsad met evit a sell ouzh an enbroerezh e oa ruz-tan. E-barzh prezegennoù an FLNC hag e skourroù politikel e veze graet atav fae war ar C’hallaoued hep mennegiñ e mod ebet an enbroadeg afrikan ha Maghrebian a oa niverusoc’h-niverusañ en enezenn.
Abaoe afer Liorzhoù an Impalaer ez eus bet kalz aferioù all a seurt-se (Cisco, Bastia, …) ha savet eo bet Palatinu, strollad mirour hag identiter, gant Nicolas Battini, deuet eus ar metoù broadelour.
An emsav broadel eus e du a zo atav etre daou. En e bemp plijadur warn-ugent meur a wech. Etre ar wokism sot ha mit ar « Gumuniezh a Donkadur ». Met nebeutoc’h-nebeutañ a Gorsiz a gred e fablenn-mañ hag aon o deus e trofe o enezenn evel m’en deus troet « ar C’hevandir » ur vro gollet !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2025, dépêches libres de copie et de diffusion sous réserve de mention obligatoire et de lien do follow vers la source d’origine.
