Breizh-Info s’arrêtera le 31 décembre s’il manque 60 000 euros
Depuis 2013, vous lisez Breizh-Info gratuitement. Le journal ne vit que de ses lecteurs : sans votre soutien d’ici la fin de l’année, il n’y aura pas de Breizh-Info en 2027.
10 025 € réunis sur 60 000 € (17 %) — il manque encore 49 975 €.
Donner par PayPal
Virement ou chèque
Lire l’appel en entier
Chers lecteurs, chères lectrices,
Les caisses de Breizh-Info sont vides. Pour tenir une année de plus, il nous faut 60 000 euros avant le 31 décembre. Si cette somme n’est pas réunie, le site cessera de paraître, 13 ans après sa fondation.
Depuis 2013, Breizh-Info vous informe chaque jour, en accès libre : des articles, des enquêtes, des entretiens, une revue de presse quotidienne, et une voix bretonne qui dit ce que la presse installée tait ou travestit.
Pas un euro d’argent public
Pendant que les grands titres de la presse encaissent chaque année les aides publiques, Breizh-Info fonctionne sans subvention d’État, sans milliardaire actionnaire et sans la manne publicitaire des grands groupes. Cette indépendance a un prix : nous ne dépendons que de vous. Quand les dons ne suivent pas, personne ne vient combler le trou.
60 000 euros d’ici le 31 décembre
Cette somme correspond à une année de fonctionnement du journal, ni plus ni moins. Si chaque lecteur attend que les autres donnent, personne ne donnera. 2 minutes suffisent, ce soir plutôt que la semaine prochaine. 10 euros, 50 euros, 100 euros, 1 000 euros : chaque don compte. Et si vous le pouvez, optez pour un virement mensuel : c’est ce qui permet au journal de voir plus loin que le mois suivant.
Comment donner
PayPal : faire un don en ligne ([email protected])
Virement (mensuel si possible), à l’ordre de ASPA (pour Breizh Information)
IBAN : FR76 1220 6004 0056 0172 3120 604
BIC : AGRIFRPP822
Chèque à l’ordre de Breizh Information : BP 201, 29834 Karaez/Carhaix Cedex
02/12/2015 – 10H00 Breiz (Breizh-info.com) – Kaoz ez eus bet kalz eus pladenn nesañ Denez Prigent er mizioù tremenet e Breizh hag er bed a-bezh, da lavarout eo An Enchanting Garden – Ul Liorzh Vurzhudus. Rouez eo, avat, ar re a ro o soñj a-zivout pezh a gaver e-barzh. Dimp-ni ez eo beuz e zoare ken ez eo hag emaomp o vont da lavarout ar perag eus kement-all.
Da gentañ-penn e rankomp lavarout ez eo ur vat a gavadenn bezañ kemmet e anv arzour eus Denez Prigent da Denez hepmuiken peogwir e kemm a-galz e stil en e bladenn nesañ. Pa oa techet d’ar sonerezh elektronek e kave dimp e teue da vout randonus a-walc’h ar pladennoù all graet dindan an anv Denez Prigent. E stil zo kemmet ha talvezout a rae ar boan kemm e anv arzour war un dro. Bremañ e soñj dimp e tosta muioc’h ouzh an hengoun breizhat gant muioc’h a vinvioù pa groge d’en em veuziñ en ur world culture divlaz kent. Daoust dezhañ en devout lavaret e oa e sonerezh a wad mesket ha d’en skrivañ c’hoazh en e lec’hienn internet — pezh na dalvez netra ebet a-fet sonerezh — e kavo an nen peadra da soñjal e tosta ouzh an hengoun europat, ha breizhat pergen, pa ra gant binvioù europat dreist-holl. E bladenn nesañ zo europat-kenañ neuze ha bourrus eo gwelout un arzour gwriziennet en hor c’hevandir da vat. Daoust d’ar prepozioù diwar-benn an hironañ a gaver a-wechoù diwar e ijin hon eus merzet dre hon-unan e oa kement-se netra met plegañ d’ur c’hiz hag a zo o ren e metoù an arzourien a-vremañ ha tra ken.
Pa seller a-dost ouzh pezh a gan Denez en e ganaouennoù nevez ez adkaver ur meni prederiadenn diwar-benn ar bivelezh hag en e ganaouenn Beajet ‘M Eus e lavar dimp penaos e talv ar boan beajiñ pa laka an den da gaout bravañ teñzorioù e “glenn ar vro” war an distro ha neket en ur en em nac’hañ e sevenadurioù estren eo ; ho pet soñj eus pezh a skrive Joachim du Bellay pemp kant vloaz ‘zo pa lavare «Eürus evel Uliss en deus graet un hir a veaj […] hag a zo distro e ti e dud leun a zoare hag a furnez». Ur santad istorel hag europat-meurbet en deus lakaet tud hon sevenadur da vezañ beajourien a-holl-viskoazh, evit brasañ klod broadoù ar c’hornog. Evel-se ez eus tu da gompren an arver a ra ar sonerien a labour gant Denez eus binvioù estren evel bendir, cajon pe ar djembe evel un doare da vezañ beajet ha da vezañ tennet gounit eus traoù kavet er bed evit skeudennaouiñ ene an den europat, ene ar Breizhad ez eus eus Denez peurgetket.
Pelloc’h, e Peñse Nedeleg, e tiskouez unan eus ar c’humuniezhioù hengounel eus Breizh — hini ar Vro-Bagan — liammet en un skrapadenn ma kemer e-barzh “paotred koulz ha merc’hed” ar vro, gant “ar beleg […] e ged war an tour-iliz” dindan “c’hras Doue”. An hengoun, ar relijion hag ar yezh zo mesk-ha-mesk e razh ar sonennoù. An holl ganaouennoù zo intret gant an doare breizhat da welout ar bed a-fet karantez, paourentez ha buhez : berr-ha-berr ez eo ar c’hanaouennoù-se reoù un den eus ar vro hag a gemer harp war e vro evit bezañ er bed hag evit ezteurel e wir da vevañ ha da vezañ pezh ez eo er bed. Ar c’hoant herrus-se a gaver gant ar ganaouenn saoznek nemeti An Old Story . Ned eus ket a stad-etre a vefe lakaet etre Breizh hag he yezh war un tu hag ar bed hag ar saozneg ma ‘z eo ar yezh etrebroadel anezhañ war an tu all.
Ha neuze, ne vo kavet ger ebet e galleg er bladenn-se gant paotr e ziskouarn digor-bras, paneve er menegoù lezennel ret gant Yann-lenner. En ur zibab skrivañ pep tra e brezhoneg hag e saozneg e tibab Denez anataat fraezh n’hon eus ket ezhomm eus ar galleg evit bezañ hon-unan e-touesk ar re all. Lavarout pegen plijet ha hoalet e vezomp gant ur menoz a seurt-se ne vefe ket a-walc’h ; anzav a rankomp ez a pelloc’h Denez eget an darn vrasañ ac’hanomp a hañval goulenn atav an aotre evit kaout ar gwir da vezañ digant o mistri, ar pennoù galleg. Denez ez eus un den frank, hengounel, koulz ha libr anezhañ hag an dud anveliour, hengounelour ha frankizelour a zo ac’hanomp en em gav a-spered gantañ.
Erbediñ a reomp ar bladenn-se deoc’h, enta : “An enchanting garden – Ul liorzh vurzhudus”, Denez, Coop Breizh, 2015.
Erwan Le Gal
