Galv evit ma kendalc’hfe ar program evit ar c’hembraeg e Patagonia

En tu-all d’ar mor, e Arc’hantina, ez eus ur gumuniezh krembreiz o chom e Patagonia, a-hed ar ster Chubut. Mod pe vod e klask ar gumuniezh-se mirout he gizioù kozh hag he yezh, ar c’hembraeg. Setu perak ez a ingal kelennerien kembraeg eus Bro-Gembre en Amerika-ar-Su da gelenn o yezh da gembreiz tramor. Hogen, gant ar c’hovid ne oa ket tu ken da dreuziñ ar meurvor Atlantel. Abaoe miz meurzh 2020 n’eo deuet den ebet eus Kembre e Patagonia rak emañ Arc’hantina war listenn ruz ar broioù n’haller ket mont enno savet gant ar Foreign Office saoz.

Hogen, bez eus eus skolioù divyezhek spagnoleg-kembraeg e kumunioù zo eus ar Chubut hag ezhomm o deus kaout kelennerien barrek war ar yezh.

Ar re kaset warlene gant ar gournamant kembread a rankas labourat dre vizio gant o studierien e-pad bloaz, pezh n’eo ket aes. Spi o deus kembreiz « Y Wladfa » (An Drevadenn) e c’hellint kenderc’hel gant ar c’hentelioù kembraeg ar bloaz-mañ en o skolioù. Se zo kaoz o deus reklemet kelennerien nevez digant ar gouarnamant kembread.

50 000 kembread a-orin o deus graet o annez er Chubut (Patagonia). Etre kêrioù Gaiman, Trelew ha Trevelin emañ an darn vrasañ o chom. Etre 1500 ha 5000 kembraeger a zo c’hoazh. Teir skol gentañ derez divyezhek a zo er Chubut, unan e pep parrez :  Ysgol yr Hendre e Trelew, Ysgol Gymraeg y Gaiman e Gaiman et Ysgol Y Cwm e Trevelin.

Crédit photo :

[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS

ABONNEZ VOUS À NOTRE NEWSLETTER

Pas de pubs, pas de spams, juste du contenu de qualité !