Lozaog (22) : Devezhioù kristen e brezhoneg e miz gwengolo

E miz gwengolo e vo aozet 6 devezh kristen e brezhoneg penn-da-benn e santual Kerien (parrez La Pernessae) e-kichen Lozaog. Gant ar c’hevredigezhioù Emglev an Tiegezhioù ha Feiz ha Breizh e vo aozet an devezhioù-mañ gouestlet d’ar feiz ha d’ar yezh.

Setu un tañva eus ar program :

8e30 Laodez 9e00 dijuni. Graet e vo gant “Pedenn an Iliz” (pourchaset e vo gant EaT ; degasit ho levr-salmoù embannadur Al Liamm ma c’hellit).

9e30 11e 30 oberiantizoù ar mintin : – kaozeadennoù war ar speredelezh kristen e Breizh, war an arz breizhek kristen, war ar Bibl… Kentelioù brezhoneg un tammig ivez. – enrollañ kanennoù zo a vo desket, pergen an tonioù latin hengounel e brezhoneg

12e30 pred aozet asambles ; amzer vak
14e troiadoù pourmen : chapel sant Gwenn, Kintin…
17e30 amzer vak
18e30 Gousperoù
19e30 Koan aozet asambles
20e30-22e Beilhadeg : kanaouennoù (degas e re) , c’hoarioù APLUD,… Salve Regina.

Moaien zo d’ar familhoù ha d’an dud a-hiniennoù, ar veleien ivez, ober ur weladenn deomp e-pad an devezhioù pe chom da gousket un nozvezh bennak hepken : n’eus diaester ebet met gwelloc’h eo kas keloù pa c’hellod. Plas a chom, dreist-holl evit ar wazed.
Koust : 35 euro an nozvezh + ur gwenneg bennak evit ar boued. 0298251072 [email protected]

[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine