Cheñchet he deus kêr Sant-Nazer ! Pelec’h emañ ar c’hengred etre micherourien ar Chantieroù evel gwechall ?
Disadorn dremenet, d’an 09 a viz here, e karter Penhoët, da lavaret eo karter ar micherourien, e kinnigas ur strollad kañfarded dramm d’ur paotr a oa o c’hortoz en arsav bus. Nac’hañ a reas ar paotr. Ha neuze e c’houlennas an hailhoned hag arc’hant a oa gantañ. « Ya » a respont ar paotr. Ha kroget fest ar vazh ! Laeret eo bet digantañ e hezoug, met buan-tre e voe serret ar strollad gant ur batrouilh boliserien.
Laer an hezoug a zo anavezet… dindan 9 identitelezh disheñvel ! Taolioù fall en deus graet e Breizh, e Bro-C’hall met ivez e Bro-Spagn dija. Pa tremenas dirak ar barner d’an 12/10 e tleas bezañ harpet gant ur jubennour arabeg-galleg. Paotr dibaber e oa, hag eñ sañset kuitaat Bro-C’hall evit distreiñ d’e vro met emañ atav e Breizh. Perak ?
Da c’hortoz ur respont eo bet kondaonet da c’hwec’h mizvezh toull-bac’h. Ha skarzhet e vo pa vo dibrizonet ? N’eo ket sur avat !
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
