Daou wazour eus ospital Kemper a oa bet digarget rak ne felle ket dezho bezañ vaksinet. E ehan labour e oant abaoe ar 26 a viz eost hag an 1 a viz gwengolo. D’an 10 a viz du o doa kaset an afer dirak al lez-varn melestradurel rak n’o deus tamm gopr ebet ken abaoe m’int bet lakaet en ehan labour. Hag int bugaleet. Unan a oa o c’hortoz e leve a-benn bloaz zoken.
Reklem a ra an daou labourer e vefe roet dezho o gopr en-dro mui ur sammad kempouezañ. Ha gallout a rafent gouneziñ a-benn ar fin ! Embannet eo bet gant ar varnerez e vo “asantet”ouzh reklemoù an daou wazour MET dañjer zo e cheñchfe an traoù ma vefe sezisaet ar C’huzul Stad ha gounezet e afer gant ospital Kemper.
Emañ al lezoù-varn gall o c’hortoz e vefe graet un azgalv terriñ gant un ospital bennak ha kemeret un diviz gant al lez-terriñ hag a dalvezfe evit tout an aferioù.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
