Sant-Nazer : ur Roumanez el lez-varn gant 10 000€ en he c’harrig-bount

E miz c’hwevrer 2020 e oa bet barnet Rromed eus Roumania e Sant-Nazer evit un afer a drafikañ kartennoù bank. Ur gwir « gang » e oa hag en doa laeret kartennoù bank e Bro-Frañs a-bezh. Kement a dud a oa bet asinet (33 !) ma rankas prezidant al lez-varn rekizañ ur sal abadenn e bon lestr-spluj !

Met d’an 10 a viz c’hwevrer e voe sachet evezh an evezherien gant ur vaouez o vountañ ur c’harrig-bount. C’hoar ur plac’h varnet e oa. Furchet o deus ennañ ha kavet 6800€ dindan ar poupon mui 3300€ e dilhad ar vammig !

Diouzhtu e voe diskred warni gwennañ arc’hant evit ar gang. D’an 13 a viz gwengolo e oa, hi, he c’hoar hag he gwaz, e lez-varn Naoned en-dro met dirak ar barner ar wech-mañ !

Hag ar Roumaned da zisplegañ « n’o deus ket fiziañs er bankoù hag e Roumania e vez graet kentoc’h gant arc’hant dizolo. Un dra normal eo da gaout kement a arc’hant ganeomp » emezo e berr komzoù.

9 menneg war e roll lez-varn en doa gwaz ar plac’h serret.

9 vizvezh toull-bac’h a voe reklemet gant ar brokulorez evit an div c’hoar ha 12 mizvezh evit ar gwaz lies-kondaonet.

A-benn ar fin e voent laosket da vont gant ar barner. N’eo ket deuet a-benn da gavout prouennoù a-walc’h evit o c’hondaoniñ. Hag an arc’hant a zo bet roet dezho en-dro !

Evit didamalliñ e glianted, unan eus breutaerien ar Rromed en deus komzet eus « o sevenadur e-keñver an arc’hant »

Crédit photo : DR

[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine

Laisser un commentaire

Votre adresse e-mail ne sera pas publiée.

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS

ABONNEZ VOUS À NOTRE NEWSLETTER

Pas de pubs, pas de spams, juste du contenu de qualité !